ఈ చిత్రంలో ఉన్న ఈమె ఎవరో తెలుసా? మాకెందుకు ఈమె ఎవరైతే అని అంటారా. అలా అనుకోకండి! ఎందుకంటే.. ప్రపంచంలో శక్తిమంతమైన దేశం అమెరికాకు అధ్యక్షుడైన ఒబామా ప్రియురాలట. ఏంటి నమ్మశక్యంగా లేదా! నిజమే. అదేంటి అమెరికా అధ్యక్షుడు బరాక్ ఒబామా ప్రియురాలు మిషెల్ రాబిన్సన్ ఒబామా కదా! అనుకుంటున్నారా? ఇంతకీ ఈమె కథేంటంటే..
హాలీవుడ్లో బయోపిక్లకు కొదవే లేదు. జీవిత చరిత్రలను తెరకెక్కించడంలో వారికి వారే సాటి. అందుకే ఈ సారి వాళ్లు అమెరికా అధ్యక్షుడి ఒబామా చరిత్రను తీస్తున్నారు. బరాక్ ఒబామా, అతని భార్య మిషెల్ల ఫస్ట్ డేట్ ఆధారంగా హాలీవుడ్లో ‘సౌత్ సైడ్ విత్ యూ’అనే సినిమా తెరకెక్కింది. జనవరి 24న విడుదలైన ఈ సినిమాలో ఒబామాగా పార్కర్ సేయర్స్, మిషెల్గా టీకా సంప్టర్ నటించారు. పై చిత్రంలో కనిపిస్తున్న ఈమె పేరే టీకా సంప్టర్. మిషెల్లీ.. ఒబామా నిజజీవితంలో జీవిత భాగస్వామి అయితే.. సంప్టర్ ఒబామాకి రీల్ లైఫ్ ప్రియురాలన్నమాట.
1989లో హార్వార్డ్ లా విద్యార్థి అయిన ఒబామా.. చికాగో దిక్షిణ దిక్కులో ఉన్న ఓ ప్రాంతంలో జరుగుతున్న కమ్యూనిటీ మీటింగ్లో తొలిసారి మిషెల్ రాబిన్సన్ను కలుసుకున్నారు. అప్పట్నుంచి వారి ప్రేమ చిగురించేవరకు జరిగిన కథేంటి అన్నదే ఈ సినిమా స్టోరీ. ఒబామా నిజ జీవిత కథకు కొంచెం నాటకీయత జోడించి తీసిన ఈ సినిమా మంచి విజయాన్ని దక్కించుకుంది. కాగా, త్వరలోనే ఈ సినిమాను ఒబామా చూడబోతున్నట్టు సమాచారం. మరి వీళ్లిద్దరి ప్రేమ గాథను తెరపై చూసుకుని ఎలా ఒబామా మురిసిపోతారో!
No comments:
Post a Comment