బాలీవుడ్లో తనకంటూ ఇమేజ్ క్రియేట్ చేసుకున్నాడు హీరో రణదీప్ హూడా. దర్శకుల హీరోగా గుర్తింపు కూడా తెచ్చుకున్నాడు. ఇతడికి సినిమా పట్ల కమిట్మెంట్ ఎక్కువ. సినిమా కోసం ఏదైనా చేసేసే రకం. హీరో, విలన్, సపోర్టింగ్ రోల్ ఇలా ఏ క్యారెక్టర్ ఇచ్చినా అలా ఒదిగిపోతున్నాడు. కానీ ఓ మూవీ కోసం కండలు కరిగించడమే కాదు.. ఎముకల పోగులా మారి అందరికి షాక్ ఇచ్చాడు. పాక్ జైల్లో 23 ఏళ్లపాటు చిత్రవధ అనుభవించిన సరబ్ జీత్ సింగ్ జీవితంపై బయోపిక్ తీసేందుకు నేషనల్ అవార్డ్ విన్నర్ ఓమంగ్ కుమార్ సిద్ధమయ్యాడు. ఈ కేరక్టర్ కు తగిన నటుడిగా.. రణ్ దీప్ హుడాను భావించి అప్రోచ్ అయ్యాడు.
ఆ రోల్ కోసం 28 రోజుల్లో ఏకంగా 18 కిలోల బరువు తగ్గాడు.తక్కువ సమయంలో బరువు తగ్గటం మంచిది కాదని డాక్టర్లు చెప్పినా, పాత్రకు న్యాయం చేయడం కోసం రణదీప్ రిస్క్ తీసుకున్నాడని టాక్. ఈ విషయాన్ని డైరెక్టర్ ఒమాంగ్ ప్రకటించాడు. ట్విట్టర్ లో పోస్ట్ చేసిన రణదీప్ లుక్ కి నెటిజన్స్ నుంచి స్పందన బాగానే వచ్చింది. ఈ సినిమాలో ఐశ్వర్యరాయ్ కూడా షాకింగ్ లుక్ లో కనిపించనుందని సమాచారం. ఇక రణదీప్ లుక్కు సోషల్ మీడియాలో అదిరిపోయే రేంజ్లో ప్రశంసలు వస్తున్నాయి.
No comments:
Post a Comment